Kryetari i Partisë Demokratike, Sali Berisha, ka reaguar ndaj deklaratave të kryeministrit Edi Rama lidhur me sulmet ndaj kreut të SPAK, Altin Dumani.
Advertisements
Sipas Berishës, Dumani ka mbrojtur kryeministrin nga ndëshkimi për çështje të ndryshme, ndaj Rama duhet t’i “fshijë këpucët” atij.
Advertisements
“Shqipëria ka një sistem ku një njeri përcakton gjithçka. Publikohen statuse në emër të të burgosurve, të shkruara nga dora e Ramës. Është Altin Dumani ai që e mbron. Po të mos ishte ai, krimi elektoral do ishte ndëshkuar. Nuk ndëshkohen dosjet sepse të çojnë te Edi Rama, si ajo e Durrësit dhe Peshkopisë,” tha Berisha.
Ndërkohë, kryeministri Rama më herët kishte deklaruar se Dumani gëzon solidaritetin e tij përballë “sulmeve kafshërore” dhe theksoi se kreu i SPAK nuk është imponuar nga jashtë, por është pjesë e sistemit të drejtësisë në Shqipëri.