Luani endet i lirë rrugëve të Romës, italianët në panik…

Një video shokuese ka qarkulluar në media vetëm pak minuta më parë, ku shihet një luan, i cili ecën qetësisht në rrugicat e një lagjeje të banuar në Romë.

Advertisements

Një video shokuese ka qarkulluar në media vetëm pak minuta më parë, ku shihet një luan, i cili ecën qetësisht në rrugicat e një lagjeje të banuar në Romë.

Advertisements

Banorët e tmerruar kanë publikuar këtë video në rrjetin social X, i njohur më parë si Twitter, e cila tregon kafshën teksa ecën rrugëve të Ladispoli, ku jetojnë rreth 40 mijë banorë.

Gruaja, e cila ka qënë duke xhiruar videon, dëgjon të thotë ‘o zot’, ndërkohë që luani, i cili supozohet se është larguar nga një cirk, ecën rrugëve lirshëm.

Disa njerëz madje kanë mbetur të bllokuar në makinat e tyre. Një banor ka publikuar një video, ku shihet luani që kalon pranë makinës së tij.

Banorëve iu është thënë nga autoritetet të qëndrojnë në shtëpitë e tyre ndërkohë që po përpiqen të kapin macen gjigante, e njohur si Kimba.

Kryetari i bashkisë së Ladispolit, Alesandro Grando, u tha vendësve: “Një luan u arratis nga cirku. Ju lutemi kushtojini vëmendje të plotë dhe shmangni udhëtimin deri në një njoftim të mëtejshëm“.

Autoriteteve iu deshën rreth shtatë orë për të kapur luanin dhe u desh të qëllohej me qetësues dy herë pasi u zgjua herën e parë, sipas redaksisë lokale të lajmeve, Corriere della Sera.

Redaksia e lajmeve raportoi gjithashtu se luani ishte në gjendje të largohej shumë herë, dhe besohet të jetë kapur dhe është vënë në gjumë fillimisht në orën 3 të pasdites.

Më pas ai arriti të largohej përsëri dhe u vu ne gjumë për herë të dytë në orën 20:30 para se të kapej përfundimisht nga policia në orën 22:00.

https://twitter.com/MicheleGalvani/status/1723408569775591490?ref_src=twsrc%5Etfw%7Ctwcamp%5Etweetembed%7Ctwterm%5E1723408569775591490%7Ctwgr%5E814094f81a04dc37617ed33059a0b85f6c0d90e8%7Ctwcon%5Es1_&ref_url=https%3A%2F%2Fgazeta-shqip.com%2Fbota%2Fluani-endet-i-lire-rrugeve-te-romes-italianet-ne-panik%2F