Fëmijët e çiftit Kastriot dhe Alba Cenko ende nuk e dinë që nëna e tyre është ekzekutuar nga babai i tyre. Sipas të dhënave që kanë zbuluar mediat greke, autori i vrasjes, menjëherë pas krimit ka futur në çantë trupin e të shoqes dhe e ka ngjitur në papafingo. Më pas, ka vijuar me ditën e tij sikur nuk ka ndodhur gjë. Madje as 2 fëmijët, 9 dhe 12 vjeç nuk kishin kuptuar gjë.
Advertisements
Të nesërmen, kur dy fëmijët e tij e pyetën se ku ishte nëna e tyre, ai u përgjigj se ishte nisur më herët për në punë. Të miturit, edhe sot e kësaj dite nuk e dinë që nëna e tyre është ndarë nga jeta.
Advertisements
Gjatë kësaj kohe, ai ka dërguar mesazhe te fëmijët e tij, duke pretenduar se ishte nëna e tyre që po largohej dhe se ai do të kujdesej për ta.
Në mesazhet e zbardhura nga Protothema, Cenko iu dërgonte fëmijëve duke i thënë që “do vijë t’ju marr kur të rregulloj letrat”. Ai e fshihte krimin dhe i manipulonte fëmijët për të besuar që nëna e tyre ishte larguar, ndërkohë që trupi i saj ishte i fshehur në shtëpi.
39-vjeçari është arrestuar dhe hetimet janë duke u zhvilluar për të zbardhur të gjitha rrethanat e krimit.
“Fëmijë, mami iku, mori rroba, një valixhe, unë jam në Patra dhe nuk do të kthehem më në shtëpi. Prandaj, ki kujdes për vëllain tënd dhe dëgjo babin. Kur mami të mbledhë para dhe të përgatisë letrat, do të kthehem të të marr me vete. Për momentin do të shkoj larg, dhe me babanë jam ndarë, ndaj dëgjojeni të mos zemërohet dhe kujdesuni. Unë do t’ju telefonoj kur të mundem sepse nuk mundem dhe nuk kam ofertë. Ok, mos u shqetësoni, do të jem mirë dhe do të të marr kur të mundem. Ty dhe vëllanë tënd”, ka shkruar Kastriot Cenko nga celulari i gruas së tij.
“Kujdesuni dhe dëgjoni babin në rregull fëmijë. Kur të mbaroj letrat dhe të mbledh paratë, do të vij të të marr ty, por deri atëherë tregohu i mençur të dëgjosh babin dhe të kujdesemi për njëri-tjetrin. Të dua shumë, do të të telefonoj kur të mundem, ok dashuria ime .Tani nuk mund të flas. Do të jem mirë mirupafshim. Mos u shqetëso. Do të jem mirë mirupafshim. Edhe një gjë beb, babi nuk e di qe jam larguar, kur ai lexon mesazhin, i thoni do ta marr ne telefon qe te mos më marrë. Mirë? Ju puth”, është shkruar më tej në mesazhe.
“Zemër, meqë të thashë kur të mbledh lekë për të rregulluar letrat do vij të marr ty dhe vëllain tënd. Mos u shqetësoni për këtë. Unë të dua shumë dhe do të të marr kur të mundesh, mirë fëmijë, lëre babin të thotë çfarë të dojë”, ka shkruar ai në mesazhe.
Krimi dyshohet të ketë ndodhur për shkak të xhelozisë së Kastriot Cenkos ndaj bashkëshortes së tij 32-vjeçare. Vrasja ka ndodhur në shtëpinë e çiftit në Ampelokipi, ndërsa dy djemtë e tyre po flinin. Pas krimit, ai e fshehu trupin në papafingo për një javë dhe më 5 dhjetor telefonoi policinë, duke rrëfyer vrasjen. Dyshohet se ai e goditi fillimisht me çekiç dhe më pas e mbyti me duar.