Merret në mbrojtje gruaja e Pëllumb Metës, kunati nuk e lejoi të shkonte në varrim(Detaje)

Policia e Durrësit ka marrë në mbrojtje bashkëshorten e 50 vjeçarit që u vra në Durrës, Blerina Metën.

Gruaja nuk është lejuar të marrë pjesë në ceremoninë mortore të burrit të saj, paraditen e kësaj të shtune.

Për të shmangur ndonjë konflikt të mundshëm mes vëllezërve të të ndjerit Pëllumb Meta dhe kunatës së tyre, Blerina u shoqërua nga blutë e Durrësit deri te shtëpia e prindërve të saj në Laç.

Kujtojmë se ngjarja e rëndë u raportua ditën e djeshme në media. Akti tronditës i 3 fëmijëve ndaj babait datonte që më 10 Shkurt të këtij viti.

Ishte djali i madh i viktimës, Hysen Meta ai që e kishte qëlluar 4 herë me armë zjarri.

Motra 19 vjeçare Hygerta Meta dhe vëllai i vogël Amarildo Meta kishin bashkëpunuar për groposjen e trupit në oborrin e shtëpisë.