E diela do të karakterizohet nga një mot i kthjellët dhe relativisht i ftohtë në të gjithë territorin e Shqipërisë. Masat ajrore me origjinë verilindore që kanë përfshirë rajonin do të vijojnë të ndikojnë vendin, duke sjellë një rënie të lehtë të temperaturave, veçanërisht gjatë orëve të para të mëngjesit dhe natës.
Advertisements
Përgjatë shtrirjes lindore të territorit, kryesisht në zonat malore, do të ketë herë pas here shtim të vranësirave, por pa mundësi për reshje. Ky stabilitet atmosferik pritet të mbetet dominant edhe në orët e vona të mbrëmjes dhe gjatë natës, duke krijuar një situatë të qetë meteorologjike.
Advertisements
Temperaturat e ajrit do të shfaqin luhatje të ndjeshme, ku vlerat minimale do të zbresin deri në -4°C në qytetin e Peshkopisë, ndërsa maksimumet do të shënohen në Fier, ku priten 13°C.
Era do të fryjë me intensitet të lehtë deri mesatar, me shpejtësi mbi 30 km/h nga drejtimi verilindor. Ky aktivitet ajror do të ndikojë edhe në brigjet detare, ku pritet një dallgëzim i ulët, deri në 2 ballë.
Në ditët në vijim, vendi do të mbetet nën ndikimin e kushteve të qëndrueshme atmosferike, por temperaturat do të vijojnë të mbeten relativisht të ulëta, duke ruajtur një tendencë të lehtë rënieje në orët e natës dhe të mëngjesit.