Kushtet e motit dhe reshjet e dendura që kanë pushtuar vendin sot kanë sjellë vështirësi në qarkullimin e mjeteve dhe ndërprerje të energjisë elektrike në disa zona të vendit.
Advertisements
Në rrugën Prekal-Kir po punohet për hapjen e rrugës dhe rruga Mes-Dukagjin është bllokuar për shkak të rrëshqitjes së gurëve. Si pasojë e motit të keq janë pa energji elektrike disa zona në Tiranë, Durrës, Elbasan, Berat, Vlorë, Korçë, Gjirokastrën, Kukësin, Shkodrën, dhe Burrelin.“Situata si pasojë e motit në vend
Advertisements
Reshjet e shiut, që në disa zona të vendit kanë qenë me intensitet të lartë kanë shkaktuar bllokim të disa akseve rrugore, veçanërisht në qarkun e Shkodrës.Por, përgjithësisht, situata është pa problematika serioze sa i përket infrastrukturës kombëtare.
– Në aksin Prekal – Kir, strukturat po punojnë për hapjen e rrugës.
Advertisements
Rruga Mes-Dukagjin është bllokuar për shkak të rrëshqitjes së gurëve. Edhe këtu po punohet për pastrimin e saj.
Si pasojë e motit të keq, disa zona janë pa energji për shkak të defekteve në rrjet. Rajone të ndryshme, përfshirë Tiranën, Durrësin, Elbasanin, Berat, Vlorën, Korçën, Gjirokastrën, Kukësin, Shkodrën dhe Burrelin, po përballen me ndërprerje të energjisë elektrike në zona të caktuara. Punonjësit e OSSH janë në terren dhe po punojnë për riparimin e defekteve dhe rikthimin e furnizimit me energji në këto zona.
Situata po ndiqet me vëmendje nga strukturat e Mbrojtjes Civile në nivel vendor dhe qendror. #AKMC është në kontakt me të gjitha prefekturat dhe bashkitë, për të koordinuar punën në çdo rast nevoje.”, njofton ARRSH.
