Kanë para gjykatës ish-partneri i shqiptares Gjeorgjia Murati dhe shoku i tij të cilën masakuran me thikë 41-vjeçaren shtatzënë brenda banesës në Selanik, natën e Vitit të Ri 2024.
Advertisements
Trupi i gruas u gjet një javë më vonë në një zonë pyjore pranë Monopigados. Partneri 39-vjeçar i viktimës dhe shoku i tij 34-vjeçar u ulën në bankën e të akuzuarve për vrasje, ndërprerje të shtatzënisë dhe grabitje, si dhe armëmbajtje pa leje dhe përdorim.
Advertisements
Gjatë dërgimit të dy të pandehurve në sallën e gjyqit, vëllai i Gjeorgjisë ka “shpërthyer” ndaj tyre ndërsa të afërmit dhe policia ndërhynë për ta larguar.
Ndërkohë, babai i gruas shtatzënë të vrarë dhe të afërmit e tjerë kërkuan drejtësi dhe ndalimin e dhunës ndaj grave.
Advertisements
Në të njëjtën kohë, një tubim solidariteti mbahet nga gratë të cilat me pankarta dhe parulla shprehin indinjatën e tyre që një grua tjetër humbi në mënyrë kaq barbare.
Ndërsa ditën e djeshme, më 17 nëntor, Gjeorgjia do të festonte ditëlindjen. Krimi është kryer në ditën e Vitit të Ri në shtëpinë e partnerit të viktimës, e cila në fakt ishte shtatzënë me fëmijën e tyre dhe siç thuhet në aktakuzë, motivi i dy autorëve ishte grabitja e saj. 41-vjeçarja kishte një vajzë tjetër, e cila tani është 13 vjeçe.
Në raportin e mjekësisë ligjore flitet për plagë me thikë në qafë që i mori jetën 41-vjeçares, ndërsa menjëherë pas krimit dy të pandehurit e vendosën trupin e pajetë të saj në një valixhe dhe e transportuan në një zonë pyjore.
Për disa ditë, 39-vjeçari kërkonte Gjeorgjinë në studiot televizive, ndërsa dërgonte edhe mesazhe nga celulari i saj në përpjekje për të çorientuar autoritetet
