Gazmend Ujkashi dhe Julian Deda e nisën rrugëtimin e tyre në shtëpinë e “Big Brother VIP 3” si dy miq, por me kalimin e ditëve nisi debati mes tyre.
Advertisements
Madje debatet arritën deri aty sa të ofendojnë rëndë njëri-tjetrin. Në një moment gjatë një debati, Gazi i është drejtuar Julit duke i thënë se “ka gjak spiuni”.
Advertisements
Kjo deklaratë nuk është pritur aspak mirë nga familja e aktorit të njohur. Këtë e zbuloi Mario Deda teksa ishte i ftuar në emisionin “Fan Club”.
Në studio ishte gjithashtu edhe ish-banori i shtëpisë më të famshme në Shqipëri, Gazi. Vëllai i Julit e pyeti atë në lidhje me këtë deklaratë dhe ai i kërkoi falje.
“Nëna ime ka 3 javë që qan për atë fjalë, a mund t’i kërkosh falje?”, iu drejtua Mario-Gazit.
Ish-banori kërkoi menjëherë ndjesë, duke shtuar se është faji i tij dhe që është keqkuptuar.
“Të ruajt Zoti, ma bëj hallall. Është totalisht faji im. Ka qenë një moment qe unë në sekonda e kam kuptuar. E vetmja fjalë gabim që kam thënë aty ka qenë kjo fjalë. Kam respekt për të gjithë familjen. Ishte shkarje goje që shkon në atë kontekst”, tha Gazi.
