Komentuesit theksuan se vala e sëmundjes ishte jashtëzakonisht e ngjashme me raportet që dolën pak para Covid-it
Një video alarmante është filmuar në spitalet e Kinës ku shihen turma njerëzish të veshura me maska, mes frikës për një pneumoni misterioze që përfshiu vendin.
Advertisements
Pekini këmbëngul se një virus i ri nuk është fajtor për skenat e kaosit, të cilat kanë shtyrë zyrtarët të inkurajojnë banorët të ndjekin masat e përdorura dhe gjatë Covid-19, si mbajtja e maskave, distancimi dhe qëndrimi në shtëpi. Mediat lokale kanë raportuar se objektet shëndetësore janë ‘të mbingarkuar me fëmijë të sëmurë’.
https://gsh.top-media.al/media10/1024x576_MP4_4389976391611403372.mp4#t=0.2
Advertisements
Megjithatë, Ministria e Shëndetësisë e Kinës pretendon se mund të përballojë rritjen e sëmundjes, e cila shkaktoi panik global javën e kaluar kur u shfaqën lajmet për situatën.
Shqetësimet bënë që Organizata Botërore e Shëndetësisë (OBSH), në një ndërhyrje të rrallë publike, të kërkojë zyrtarisht informacione të mëtejshme nga Pekini për infeksionet. Komentuesit theksuan se vala e sëmundjes ishte jashtëzakonisht e ngjashme me raportet që dolën pak para Covid-it, të cilin Kina u akuzua për mbulim.
Advertisements
Pekini filloi të lirojë politikat e tij të rrepta mbarëkombëtare ‘zero-Covid’ vetëm në dhjetor të vitit të kaluar pas protestave masive që panë njerëz që i bënin thirrje Xi Jinping të jepte dorëheqjen.
