Nuk i mirëpriti kritikat për respektimin e orarit të punës, sanitarja dhunon drejtoreshën e kopshtit në Sarandë

Një konflikt i ashpër ka ndodhur paraditen e sotme në kopshtin shtetëror nr.3 në qytetin e Sarandës, ku sanitarja ka dhunuar drejtoreshën.

Raportohet se sanitarja e kopshtit, Etleva Meta, nuk e ka mirëpritur kërkesën e llogarisë nga drejtoresha e kopshtit Valbona Mehmeti, për mosrespektimin e orarit në punë dhe bërjen e punës si sanitare e kopshtit.

Mësohet se fillimisht ajo është grindur me fjalë, por konflikti mes të dyjave ka degraduar në rrahje nga ana e sanitares kundrejt drejtoreshës.

Pas ngjarjes u njoftua policia e cila shkoi në vend dhe pas hetimit të kryer ka bërë ndalimin e sanitares Etleva Meta me akuzën “Goditje për shkak të detyrës”.