Presidentja Vjosa Osmani po merr pjesë në samitin e dytë të Komunitetit Politik Europian që po mbahet në Moldavi.
Advertisements
Gjatë vizitës atje, Osmani është takuar me presidentn e Ukrainës Volodomyr Zelenskyn me të cilin ka shkëmbyer disa biseda, si dhe foto në Twitter.
Advertisements
Presidentja thotë se i shprehu solidaritetin e plotë Zelenskyt, pasi askush nuk e kupton dhimbjen e luftën më mirë se populli i Kosovës.
“Në momentet kur ka rëndësi se ku qëndroni, unë i shpreha Presidentit solidaritetin tonë të plotë@ZelenskyyUa. Askush nuk e kupton dhimbjen, luftën dhe qëndrueshmërinë e Ukrainës më mirë se populli i Kosovës.
Advertisements
Asgjë nuk mund të pengojë vullnetin e një populli për të qenë i lirë.”, shkruan Osmani në fotot që ka shpërndarë në Twitter.
Kujtojmë se prej 26 majit situata në veriun e Kosovës vijon të jetë e tensionuar. Kjo pasi serbët në veri kanë kundërshtuar ushtrimin e detyrës së kryetarëve të rinj nga objektet komunale, si dhe marrjen e pushtetit lokal nga shqiptarët.
Gjatë këtyre ditëve ka vijuar të përshkallëzohet situata, ndërsa gjatë përplasjeve me protestuesit serbë janë lënduar 30 ushtarë të KFOR-it, gazetarët dhe mediet që kanë shkuar për të raportuar nga vendngjarja.
Ndërkombëtarët kanë bërë thirrje qeverisë së Kosovës për qetësimin e menjëhershëm të situatës, ndërkohë kryeministri Albin Kurti është shprehur se nuk do të tërhiqen dhe se kryetarët e rinj duhet të vazhdojnë punën nga zyra.
https://twitter.com/VjosaOsmaniPRKS/status/1664241251313385475/photo/1?ref_src=twsrc%5Etfw%7Ctwcamp%5Etweetembed%7Ctwterm%5E1664241251313385475%7Ctwgr%5E3b9a780d729bd4e58408e5f3eba4513b75816707%7Ctwcon%5Es1_&ref_url=https%3A%2F%2Fnewsbomb.al%2Fosmani-shtrengon-duart-me-zelenskyn-ne-moldavi-askush-nuk-e-kupton-dhimbjen-dhe-luften-me-mire-se-populli-i-kosoves%2F
