Pamje nga aksidenti në Lushnje. Zjarrfikësit nxjerrin shoferin nga mjeti në kanal

Pamjet e mëposhtme tregojnë zjarrfikësit që nxjerrin nga mjeti shoferin e aksidentuar në fshatin Zhym të Lushnjes.

Automjeti, i cili ra në kanal, drejtohej nga Elnis Allkanjari.

I plagosuri është nisur drejt spitalit, në gjendje të rëndë.

Policia vendore informon se ‘Rreth orës 20:20, në fshatin Zhymë, shtetasi E. A., duke drejtuar automjetin tip “Volkswagen”, ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë e daljes nga rruga, është dëmtuar shtetasi E.A., i cili ndodhet në spital, në kujdesin e mjekëve. Grupi hetimor po punon për zbardhjen e plotë të shkaqeve të aksidentit.