Pas pushimeve të gjata në Jug, Dua Lipa jehonë Shqipërisë! Këngëtarja e rendit atë si vendin më të bukur për t’u vizituar në botë për revistën prestigjioze

Këngëtarja shqiptare, Dua Lipa në një intervistë të fundit për revistën franceze “Vogue’, ka komentuar edhe pushimet në Jug të Shqipërisë.

Dua Lipa e ka renditur Shqipërinë në krye të listës si vendet më të bukura për t’u vizituar në botë, ku citonte “Shqipëria, një destinacion në pritje të eksplorimit, është rrezatuese me plazhet e saj fantastike, terrenet shkëmbore dhe fshatrat tradicionale, shumica e të cilave mbeten ende të paprekura nga turizmi masiv”.

Për superstarin, Shqipëria lë pas edhe vende si Tokio, plazhet Xhamajkane apo ishujt e Peloponezit pasi ofron një kombinim të mrekullueshëm, ku natyra ka mbetur ende a paprekur nga dora e njeriut apo ato që ofrojnë kulturë të larmishme.

Kujtojmë se artistja 28-vjeçare këtë verë qëndroi për një kohë të gjatë në Jug të Shqipërisë ku nuk munguan fotot piktoreske, video me këngë tradicionale, ku të gjitha këto i ka ndarë me ndjekësit e saj në rrjetet sociale.