Analisti Frrok Çupi thotë se PD me veprimet e saj ka sjellë “vdekjen” e protestës. I ftuar në “Special Report”, analisti theksoi se protesta e sotme e thirrur nga opozita nuk mund të quhet një protestë për shkak se nuk ka një qëllim publik por bëhet për hallin e Sali Berishës.
Advertisements
“Mesazhi është që nga njëra protestë në tjetrën, dhe PD e ka shpirtin tek protesta, jo tek alternativa. Ky është stili që kanë zgjedhur por kjo protyestë ka ndryshime të mëdha nga të mëparshmet. E para është një numër që nuk mund të thuash se vërtet është një protestë. E dyta, është një protestë e bërë nga partia por realisht nuk ka parti. Të gjitha partitë nuk janë aty. Rithemelimi nuk është parti, megjithëse nuk e ka kryetarin. Foltorja nuk është parti, nuk e ka kryetarin.
Partia e Lirisë nuk ndodhet atje dhe partitë e tjera thuajse janë inekzistente. Vdekja e protestës vjen nga gjithçka që ka bërë PD në vite të tëra. Tani është e pabesueshme dhe nuk mund të thërrasë më njeri. Një diferencë tjetër nga protestat e mëparshme mungojnë shkaktarët e 21 janarit, Berisha në burg, dhe Meta që nuk ndodhet në Shqipëri, gjë që do të thotë se diçka po ndodh në opozitë, po ndodh ajo që prej vitesh është thënë për që Blinken përfundimisht erdhi dhe tha me këtë opozitë mjaft është mjaft. Kështu që vetë fakti që janë aq pak njerëz në shesh do të thotë shumë gjëra por që publiku shqiptar, edhe pse ka partitë e zemrës më shumë përzemër ka vendin e vet dhe interesat strategjike me aleatët e vet.
Advertisements
Me këtë rast mund të them që nuk ndodh as si në vendet e largëta apo fqinje ku shumë qytetarë nuk duan të dinë për raportet me aleatin e madh në Shqipëri ka frymë të shëndetshme politike, dhe ka një lidhje organike me atë se cfarë ka thënë filozofia e vetë popillut për të parë nga perëndimi.
Nëse vërtetë protesta do të kishte një qëllim publik, jo thjesht kundër dikujt, të kishte një objektiv, një gjë që lidh jo të gjithë popullin por një kategori njerëzish, do të ishte një protest e shëndetshme dhe do të kishte shumë njerëz. Këta njerëz protestojnë në logon o sot o kurrë. Një thirrje shumë personale e Berishës, më mbroni sot se nesër është vonë. E gjithë turbulencë politike që nuk ka qenë shumë e madhe, por qesharake shkon rreth ballkonit të Berishës. Të mos burgoset Berisha. Lëvizje e ulët për një burrë shteti, aq edhe qesharake. Nuk vlen më.”, u shpreh Çupi.
