“Për bufin dhe shokët e tij”, kryeministri Rama publikon videon me personazhet e animuar të politikës

Kryeministri Edi Rama e ka nisur ndryshe këtë të diel. Me ndjekësit e tij në Facebook, kreu i qeverisë ka publikuar një video me kukulla të animuar, ku personazhe janë ai vetë, Sali Berisha, Adriatik Lapaj dhe Lulzim Basha.

Në këtë krjim me titull “Bufi dhe Tiku drejt Bashkimit” shfaqen personazhet e politikës, të cilët diskutojnë për Shqipërinë në Bashkimin Evropian.

Rama thotë se zgjodhi ta publikojë këtë video në ditën Tradicionale të Teatrit të Kukullave.

“MIRËMËNGJES dhe duke i falenderuar dy të rinjtë që ma dërguan këtë krijim të bukur, për Bufin dhe shokët e tij, si edhe duke ua plotësuar dëshirën që ta ndaj me të gjithë ju, pikërisht në ditën tradicionale të Teatrit të Kukullave, ju uroj të diel të buzëqeshur”, shkruan Rama.