3 persona kanë humbur jetën orët e fundit nga vala e rëndë e motit të keq që po godet Italinë
Advertisements
Italia po përballet me një situatë tepër të vështirë, të krijuar për shkak të motit të keq. Shumë vende, nga veriu në qendër e në jug janë goditur nga përmbytje, që kanë shkaktuar edhe viktima.
Nisur nga kjo, bashkia e Tiranës është solidarizuar me Firencen dhe Toskanën, të cilat gjatë mbrëmjes së djeshme dhe ditës së sotme kanë pësuar përmbytje, si pasojë e motit të keq.
Advertisements
Përmes një postimi në rrjete sociale, kryebashkiaku Erion Veliaj u ka shprehur mbështetjen dy homologëve të tij italianë për çdo nevojë.
“Të gjithë në Tiranë jemi thellësisht të trishtuar nga lajmi i përmbytjeve dhe humbjeve të jetëve në Firence dhe në Toskanë. I shpreha solidaritetin vëllait tim, kryebashkiakut Dario Nardella dhe mikut/kryetarit Eugenio Giani. Lutemi që kjo katastrofë të kalojë sa më shpejt dhe jemi të gatshëm të ndihmojmë në çdo rast nevoje”, shkruan Veliaj.
Tre persona kanë humbur jetën orët e fundit nga vala e rëndë e motit të keq që po godet Italinë. Bëhet fjalë për dy të moshuar, 84 dhe 85 vjeç, të cilët po përpiqeshin të pastronin shtëpinë e tyre nga balta në Toskana,, ndërsa viktima e tretë, mosha e të cilit nuk dihet, jetonte në të njëjtin rajon, në qytetin e Livornos.
Jashtë Firences, lumi Bizenzio doli nga shtrati dhe autoritetet u kërkuan banorëve të zhvendoseshin në katet më të larta të shtëpive të tyre. Në qytetin e Pratos, një pjesë e spitalit është mbyllur.
