Një i ri 31-vjeçar me origjinë shqiptare ka humbur jetën në një aksident automobilistik në Patra. Mësohet se Erges Çobaj, 31 vjec, nga Vlora, ka qenë duke drejtuar motocikletën, teksa duke qarkulluar në rrugën “Othonos Amalias” është përplasur me automjetin me targa shqiptare AA797ZY që drejtohej nga Natasha Saliaj, 48 vjeç, nga Fieri, por me banim në Korinth.
Advertisements
Automjeti i Saliaj po lëvizte në të njëjtën rrugë dhe në të njëjtin drejtim me motocikletën dhe janë përplasur anash.
Advertisements
Automjeti më pas ka devijuar djathtas duke goditur hekurat mbrojtëse të rrugës. Si pasojë e aksidentit ka humbur jetën 31-vjecari Çobaj. 48 vjeçarja nga Fieri u arrestua fillimisht por u la më pas e lirë me urdhër të Prokurorit.
Gjatë kontrollit trupor të 31-vjecarit Çobaj, janë gjetur dhe sekuestruar 50.9 gram kokainë dhe rreth 2500 euro.
Sipas mediave greke, Çobaj, i njohur në Patra edhe si “Stelios” ishte personi që kishte dërguar në spital një të plagosur me armë në Agios Nikolaos, më 6 maj 2022.
