Prag tragjedie/ Rrezikuan të mbyteshin në det, policia u vjen në ndihmë 4 pushuesve

Katër pushues, janë shpëtuar nga Policia Kufitare pasi rrezikuan të mbyteshin në det, në Dhërmi dhe Vlorë.

Shërbimet e Policisë Kufitare shqiptare në Vlorë dhe në Durrës iu kanë dalë në ndihmë në tri raste, disa personave që rrezikuan të mbyteshin në det.

Në rastin e parë, shërbimet e Policisë Kufitare të Vlorës ndërhynë menjëherë dhe bënë të mundur nxjerrjen në breg, në gjendje të mirë shëndetësore, të 3 personave që kishin mbetur në det, për shkak se mjeti me të cilin lundronin, kishte pësuar defekt.

Në rastin e dytë, shërbimet e Policisë Kufitare në Dhërmi ndërhynë për të nxjerrë në breg një shtetas të cilit i ishte rrezikuar jeta, teksa bënte sërf, për shkak të detit të trazuar. Ky shtetas është në gjendje të mirë shëndetësore.