Kryetari i Partisë Demokratike, Lulzim Basha ka reaguar për herë të parë në lidhjen me arrestimin e Sali Berishës, i cili prej 30 dhjetorit ndodhet në arrest shtëpie.
Advertisements
Basha tha se në aspektin personal i vjen shumë keq që një njeri me të cilin ka bashkëpunuar të përfundojë këtu, por nga ana tjetër tha se PD dhe opozita duhet të ecin përpara duke lënë pas të shkuarën.
Advertisements
Kreu i PD inkurajoi drejtësinë që të bëjë punën e vet pa u penguar politikisht. Ai theksoi se të gjithë politikanët duhet të jenë në dispozicion të drejtësisë.
“Kam dy reagime, njëri është në rrafshin personal tjetri në rrafshin politik. Në rrafshin personal nuk më vjen mirë, më vjen keq që një njeri që kam bashkëpunuar, një njëri që ka dhënë kontributet e veta të përfundojë këtu. Çfarë kam pasur për ti thënë ja kam thënë. Por në fund secili bën zgjedhjen e vet në jetë dhe duhet të marrë përgjegjësinë për zgjedhjen që ka bërë.
Advertisements
Kjo është njëra anë e kostos, që sjellja e tij i solli të gjithëve. Kjo është kosto që i ka dhënë familjes së tij, por edhe një kosto PD dhe vendit.
Nga ana tjetër është e domosdoshme që PD të ecë përpara, ta lënë të shkuarën pas dhe të ecin përpara. Jo të shkelin mbi të shkuarën, as të mohojnë, por të ecin përpara dhe përgjigja zyrtare është që në çdo rast qëndrimi i PD është që drejtësia të bëjë punën e saj të papenguar dhe çdo politikan, duke filluar nga unë i parë duhet të jemi në dispozicion të drejtësisë pa asnjë kufizim. Për këtë kam çuar në Parlament heqjen e imunitetit”, tha Basha.
