Spektakli i së shtunës në “Big Brother VIP 4” solli një moment të bujshëm për Eglin, e cila ishte e ftuar në studio pas largimit nga shtëpia. Teksa diskutonte për eksperiencën e saj në reality show, ajo u përball me një klip aspak të këndshëm, pasi zbuloi detaje shokuese mbi marrëdhënien e saj me Gjestin.
Advertisements
Fillimisht, në pamjet e transmetuara u shfaqën momentet e ëmbla mes dyshes, me deklarata dashurie dhe afrimitet të ndërsjellë brenda shtëpisë më të famshme në Shqipëri. Por më pas, klipi mori një kthesë dramatike, duke zbuluar një tjetër anë të Gjestit. Në një rrëfim privat në Dhomën e Rrëfimit, ai shprehej:
Advertisements
“Kur të dal nga këtu, do të zhdukem, s’do të mi shohë sytë. Nuk e di si e ka paraprirë kjo, unë në Prishtinë e kjo në Tiranë… s’mundem me e dashtë”.
Kjo deklaratë tronditi jo vetëm Eglin, por edhe publikun dhe opinionistët, duke ngritur pikëpyetje mbi sinqeritetin e ndjenjave të tij. Kontrasti mes fjalëve të tij brenda shtëpisë dhe atyre në rrëfimet private ka ndezur një debat të madh në rrjetet sociale, ku fansat po diskutojnë nëse marrëdhënia e tyre ishte e vërtetë apo thjesht një strategji loje.
A ishte gjithçka një lojë nga ana e Gjestit, apo ndjenjat mes tyre ishin të sinqerta? — Kjo mbetet për t’u parë në vazhdim pasi Egli është rikthyer mbrëmë në shtëpinë e “Big Brother VIP 4”.