Tridhjetë shtëpi në një zonë banimi në Uellsin jugor janë evakuuar pasi një gropë e madhe u shfaq në mes të rrugës.
Advertisements
Sipas mediave britanike, njerëzve u është kërkuar të qëndrojnë larg pasi vrima prej rreth 15 metrash u shfaq në Nant Morlais, Pant, Merthyr, më 1 dhjetor.
Advertisements
Oficerët e këshillit dhe policia janë në vend duke punuar me agjenci të tjera.
Një deklaratë nga Këshilli Merthyr tha: “Nuk nevojitet ndihmë apo mbështetje e mëtejshme në këtë moment, por faleminderit të gjithëve që e kanë ofruar atë. Siguria është prioriteti ynë kryesor”.
Ata lëshuan gjithashtu një paralajmërim, duke thënë: “Për të lejuar inxhinierët të vazhdojnë të punojnë në mënyrë të sigurt, ju lutemi qëndroni larg zonës”.
Mediat theksojnë se ka pasur shi të dendur në pjesë të Uellsit gjatë natës, vetëm disa ditë pasi stuhia Bert shkaktoi shkatërrime në të gjithë pjesët e vendit.
