Një shpërthim i fuqishëm ka ndodhur këtë të martë në një rafineri në Stamboll, Turqi, duke shkaktuar plagosjen e 12 personave. Shpërthimi ishte mjaft i fortë dhe u ndje në një zonë të gjerë përreth rafinerisë, sipas mediave turke.
Advertisements
Kompania Tupras, e cila operon në këtë rafineri, ka njoftuar se shpërthimi ndodhi gjatë punimeve të mirëmbajtjes së kompresorit rreth orës 13:30 (me orën lokale). Sipas deklaratës së kompanisë, 12 punonjës janë lënduar lehtë dhe janë dërguar menjëherë në spital për ekzaminime.
Advertisements
Zjarri është vënë nën kontroll dhe operacionet në rafineri po vazhdojnë normalisht. Kryetari i provincës së Kocaelit, Tahir Buyukakin, tha se shpërthimi ka ndodhur si pasojë e një problemi që u shfaq gjatë një stërvitjeje të planifikuar gatishmërie.
