“Shshshhh, se në këtë orë…”/ Rama u tall sërish, reagon Basha: Për atë, kush nuk vjedh, fle gjumëGjatë konferencës së sotme me gazetarët nga Shëngjini, kryeministri Edi Rama sërish nuk i ndali ironitë ndaj Lulzim Bashës. Teksa u pyet për ish-kryedemokratin, Rama nuk u përgjigj, por ironizoi sikur Basha ishte në gjumë në atë orë.
Advertisements
Gazetarja: Kryeministër ndjesë shumë. A mos dikujt tjetër i ngel hatri që nuk e përmendem atë konferencën e sotme. E kam fjalën për Lulzim Bashën. Mendoni ose besoni që ai mund t’ju ndihmojë në fund fare ne seancë plenare 84 votat që ju duhen?
Advertisements
Rama: Sa është ora?
Gazetarja: I ka kaluar ora e gjumit.
Rama: Shhh shhh shhh, nc nc nc. Në këtë orë kurrë mos pyesni për atë njeri. (qesh dhe ngrihet nga karrigia).
Advertisements
Pas këtij episodi, ka ardhur një reagim nga Lulzim Basha përmes zëdhënëses së tij Mirela Karabina, e cila shprehet se për kreun e qeverisë kush nuk vjedh, fle gjumë.
“Njerëzit presin zgjidhje për hallet dhe problemet e tyre nga kryeministri, por ai nga njëri resort në tjetrin u ofron vetëm shfaqe bajate. Sillet si pronar i Shqipërisë, ndërsa çdo ditë shqiptarët marrin rrugët e emigrimit. Edi Rama do të hyjë në historinë e shtetit shqiptar si kryeministri që më shumë ministra dhe bashkëpunëtorë i ka brenda në burg se sa jashtë tij, prandaj për Edi Ramën kush nuk vjedh fle gjumë.
Nuk mund të ketë një qeveri të korruptuar dhe një kryeministër të ndershëm, prandaj për Edi Ramën, kush nuk bëhet mburojë e korrupsionit është i paaftë. Edi Rama ka hyrë në historinë e Shqipërisë si njeriu që kriminalizoi shtetin, prandaj për të, kush nuk është aleat me krimin në vjedhjen e zgjedhjeve, nuk bën për politikë.” – shkruan ajo.
