Kryedemokrati, Sali Berisha, pas daljes nga SPAK ku u paraqit në zbatim të masës detyrim paraqitje, ka treguar prapaskenat, sipas tij, të përgjimit në qelinë e paraburgimit në Durrës të kryebashkiakut të Tiranës, Erion Veliaj.
Advertisements
Ish-kryeministri deklaroi se Erion Veliaj është futur në kurth nga ministri i Drejtësisë, Ulsi Manja, i cili sipas Berishës, i ka dhënë garanci kryebashkiakut se nuk do të përgjohej. Por Berosha shtoi se, “atë e kishin mbushur me sa duket me çimka në të gjitha anët”.
Advertisements
Sali Berisha deklaroi se Erion Veliaj është regjistruar duke folur në telefon, madje edhe duke fjetur në shtratin e tij në qeli.
“Erion Veliaj është regjistruar edhe duke folur në telefon fiks, edhe duke fjetur në shtratin e tij, edhe duke u ulur në tavolinë. Atë e kishin mbushur me sa duket me çimka në të gjitha anët. Po, çdo i burgosur apo i paraburgosur ka të drejtat e tij. Dhe përdorimi i kurtheve të vjetra, t’i çosh Uluziun për t’i dhënë siguri dhe më pas të kryesh këto veprime, do të thotë se kalon çdo lloj përmase, është si në tragjeditë e vjetra”, tha Berisha.