Eksperti i kriminalistikës, Ervin Karamuço, ka folur për masat e sigurisë dhe hapat paraprakë që do të shoqërojnë zgjedhjet e vitit 2025. Ai theksoi se përveç prokurorëve të shpërndarë në qytete të ndryshme të Shqipërisë, do të angazhohen edhe agjentë hetues të BKH-së dhe oficerë policie për të zbuluar dhe parandaluar krimin zgjedhor.
Advertisements
Sipas Karamuços, teknikat e ndjekura nga SPAK janë shumë më të sofistikuara dhe nuk kanë nevojë për metoda tradicionale të survejimit, si furgonët e dukshëm në terren.
Advertisements
Ai theksoi se gjatë fushatës zgjedhore, aktiviteti hetimor do të jetë në kulmin e tij, me prokurorë të shpërndarë në qytete të ndryshme, si Vlora dhe Lezha, si dhe me një bashkëpunim të ngushtë mes BKH-së dhe policisë
Karamuço shtoi se agjentët dhe oficerët do të trajnohen nga OSBE për të identifikuar dhe ndjekur rastet e krimeve zgjedhore, përmes një programi specifik dhe intensiv. Ai parashikon që ky grup do të ketë një rol aktiv në mbikëqyrjen e procesit dhe se shumë shkelës të ligjit do të bien në grackë, duke qenë se nuk janë mësuar me një kontroll të tillë rigoroz.
“Janë disa furgonë shohin e thonë erdhën erdhën. Teknikat që përdor SPAK janë shumë më të sofistikuara, nuk ka nevojë të kesh furgona për të bërë përgjime. Gjatë fushatës do të jenë të ndezura në maksimum. Edhe në Lezhë ka një prokurorë. Vlora ka tre. Ka agjentë e hetues të BKH-së, por bashkëpunohet me policinë.
Do të trajtohen nga OSBE për të bashkëpunuar. Është trajnim specifik, me afat të shkurtër kohor. Ka të bëjë me dallimin çfarë është krim zgjedhor. Ne nuk jemi mësuar për të pasur një grup kaq aktivë, mendoj që do të bien shumë në grackë se nuk jemi mësuar. Do të kapin shumë në grackë”, tha Karamuço.
