Ambasada britanike në Tiranë, me anë të një postimi në Facebook, ka njoftuar se seria e re e “Thesareve të Botës” e Bettany Hughes rikthehet në Channel 4, në Mbretërinë e Bashkuar, me episodin e parë mbi mrekullitë e Shqipërisë dhe Adriatikut, të shtunën më 6 prill.
Advertisements
“Lajm i mrekullueshëm! Seria e re e “Thesareve të Botës” e Bettany Hughes rikthehet në Channel 4, në Mbretërinë e Bashkuar, me episodin e parë mbi mrekullitë e Shqipërisë dhe Adriatikut, të shtunën më 6 prill.
Advertisements
Kjo është e vlefshme për Mbretërinë e Bashkuar dhe për të gjithë ata që dëshirojnë ta ndjekin sipas kërkesës, të shtunave, në orën 19:00 BTS (+1 me orën tonë). Seria sjell plot histori të reja dhe risi të arkeologjisë nga Shqipëria, Estonia, Gjeorgjia, Bullgaria, Azerbajxhani dhe Mesdheu Lindor. Do të transmetohet në Shqipëri përmes kanalit ‘Viasat History’ më 10 Maj”, shkruan ambasada britanike.
