Shefi i Organizimit në Partinë Demokratike, Klevis Balliu i është përgjigjur ironisë që kryeministri Edi Rama bëri me programin e PD.
Advertisements
Në një video të shpërndarë në videot sociale, Balliu rendit disa nga pikat e programit të Aleancës për Shqipërinë Madhështore, duke shtuar se kryeministri nuk ka se si e kupton varfërinë e qytetarëve shqiptarë pasi ai mban në tavolinë një shishe vere që kushton 35 mijë euro.
Advertisements
Sipas Balliut, shqiptarët i kanë kuptuar shumë qartë politikat ekonomike të narkokryeministrit dhe do t’ja japin përgjigjen në 11 Maj
“Po zoti narko- kryeministër ne kemi një program 500 euro rroga minimale 1200 rroga mesatare, 200 euro minimumi jetik, rritje të pensioneve, gjithçka që ti nuk bëre për 12vite.
Ti nuk ke si ta kuptosh varfërimin e shqiptarëve sepse mban në tavolinë një verë 35 mijë euro. Zotëri ti nuk je marrë me ekonominë e shqiptarëve por vetëm me mirëqenien tënde, je marrë me vjedhjen e tyre, me afera si sterilizimit dhe inceneratorët. Rëndësi ka që shqiptarët të kanë kuptuar ty, dhe ta kanë prerë biletën. Nisjen e ke më 11 maj”, shprehet ai.