Një helikopter i Forcave të Armatosura të Bosnjë dhe Hercegovinës me katër anëtarë të ekuipazhit në bord u rrëzua në Liqenin e Jabllanicës sot, transmeton Anadolu.
Advertisements
Helikopteri UH-1H i Forcave Ajrore dhe Brigadës së Mbrojtjes Ajrore ra në liqen gjatë një stërvitjeje të planifikuar, tha Ministria e Mbrojtjes në një deklaratë.
Advertisements
Katër anëtarët e ekuipazhit, duke përfshirë një pilot, një bashkëpilot, një teknik fluturimi dhe një specialist të shërbimit të kërkim-shpëtimit, raportohet se janë në gjendje të qëndrueshme dhe po marrin trajtim mjekësor parandalues në një spital në qytetin Konjic, thuhet në deklaratë.
Helikopteri po merrte pjesë në një provë për një stërvitje me mbrojtjen civile të Konjicit, të planifikuar për të enjten.
Advertisements
Shërbimet e urgjencës janë vendosur menjëherë në vendngjarje për të hetuar rrethanat e përplasjes.
Ministri i Mbrojtjes Zukan Helez vizitoi vendin e rrëzimit dhe ministria deklaroi se informacione të mëtejshme do të jepen pas përfundimit të hetimeve.
