U ul të lidhte këpucën dhe ra në tokë, mediat italiane tregojnë gjendjen e futbollistit të Fiorentinës

Skena të tmerrshme gjatë ndeshjes mes Fiorentinës dhe Interit.

Gjatë vlerësimit të VAR-it të një goli të Interit, Edoardo Bove u përkul për të lidhur këpucët dhe nuk u ngrit më.

22-vjeçari u rrëzua përtokë pa ndjenja, i rrethuar papritur nga shokët e skuadrës dhe stafi mjekësor.

Ndeshja u ndërpre menjëherë dhe mesfushori i ri u transportua në spital me ambulancë.

Sipas “La Repubblica”, futbollisti 22-vjeçar, i transportuar me ambulancë në spitalin e Firences, është “vigjilent, i vetëdijshëm dhe merr frymë në mënyrë të pavarur”.

Dyshohet se ai mund të ketë shfaqur probleme me zemrën.