Të paktën tetë emigrantë kanë vdekur në brigjet e Francës ndërsa po përpiqeshin të kalonin Kanalin Anglez, raporton Sky News.
Advertisements
Ngjarja ndodhi pasi gomonia preku në shkëmbinj në Ambleteuse në rajonin Pas-de-Calais të Francës veriore gjatë natës dhe u ça, tha një zyrtar rajonal.
Advertisements
Rreth 51 të mbijetuar të katastrofës u shpëtuan. Gjashtë u dërguan në spital, duke përfshirë një foshnjë 10-muajshe që vuante nga hipotermia.
Advertisements
Ngjarja vjen pasi autoritetet franceze shpëtuan rreth 200 njerëz në brigjet e Calais gjatë një periudhe 24-orëshe midis të premtes dhe të shtunës mbrëma.
Një varkë me emigrantë që ishte në gjendje të keqe u gjet në brigjet e Le Portel, një qytet bregdetar francez, dhe 55 persona u shpëtuan.
Diku tjetër, 61 persona u kapën në brigjet e La Becque d’Hardelot, 48 persona u gjetën pranë një fari dhe në fund të ditës 36 të tjerë u shpëtuan, thanë autoritetet franceze.
Të gjithë të shpëtuarit u kthyen në tokë.
Autoritetet franceze thanë se monitoruan 18 përpjekje për të nisur anijet përgjatë Kanalit të shtunën.
