Skiatorja Lara Colturi është renditur e 13-ta në botë ditën e dytë të garës së Sllallomit në Kranjska Gora të Sllovenisë.
Advertisements
SLLOVENI – Skiatorja Lara Colturi është renditur e 13-ta në botë ditën e dytë të garës së Sllallomit në Kranjska Gora të Sllovenisë. Kupa e Botës për Ski u ndal këtë fundjavë në Evropë, me 17-vjeçaren italiane të natyralizuar si shqiptare që bëri mrekullinë.
Advertisements
Edhe pse ajo u nis nga pozicioni i 55-të dhe kushtet e vështira të motit nuk e favorizonin, Colturi që mbron ngjyrat kuqezi u rendit në vendin e 13-të në botë dhe është ndër skiatoret më premtuese.
Në lëshimin e dytë në pistë, Colturi veç pozitës së 13-të ka kapur edhe kohën e tretë më të mirë (54 sekonda e 50 të qindtat) duke bërë që Shqipëria ta gjejë veten në “Top 15”. Në provën e djeshme në Sllallomin Gjigant ajo u rendit e 25-ta, po brenda 30 më të mirave në botë.
Rezultati më i mirë i Colturi ishte vitin e kaluar, kur i dha pikët e para Shqipërisë në ski, teksa në SHBA u rendit e 12-ta në botë.
