Ra në prangat e policisë një 29 vjeçar nga Skrapari pasi ditën e djeshme kreu dy vjedhje, një makinë dhe çantën e një turisti në dy lagje të ndryshme të Durrësit. Ndërkohë ai ishte në kërkim nga policia e Tiranës për 4 vjedhje.
DURRËS – Policia e Durrësit në bashkëpunim me atë të Elbasanit kanë vënë në pranga një 29 vjeçar, pasi vodhi një automjet në lagjen 13 në Durrës, ditën e djeshme si dhe një çantë me sende personale të një turisti në lagjen 14 po në Durrës.
Advertisements
Teki Halilaj, 29 vjeç nga Skrapari, ishte gjithashtu në kërkim nga policia e Tiranës për 4 vjedhje. Ndërsa pas vjedhjeve në Durrës ai ishte larguar drejt Elbasanit.
Gjithashtu policia i sekuestroi 29 vjeçarit makinën e vjedhur, 2 telefona, një medaljon floriri, një parfum dhe syze që dyshohet se i kishte përfituar prej aktivitetit kriminal.
Advertisements
‘Konkretisht, në kuadër të operacionit “Saga”, u ndalua shtetasi T. H., 29 vjeç, banues në Skrapar. Ditën e djeshme, në lagjen nr.13, ai ka vjedhur automjetin dhe celularin e shtetasit A. Sh., ndërsa në një hotel në lagjen nr. 14, ka vjedhur çantën me para dhe me sende personale të një turisti nga Bosnje Hercegovina, shtetasit A. T.. Gjithashtu, nga verifikimet e mëtejshme rezultoi se 29-vjeçari ishte në kërkim nga Policia e Tiranës, për 4 vjedhje.
Sekuestrohen makina, dy telefona, një medalion floriri, një parfum, syze qe dyshohet se janë përfituar nga ky aktivitet.’, thuhet në njoftimin e policisë.
Advertisements
