Atletja Luiza Gega ka vendosur një rekord kombëtar në Maratonën e Tiranës. Në disiplinën 42 km ajo zuri vendin e parë, duke e bërë këtë distancë për 2 orë e 34 minuta.
Advertisements
Në një prononcim për mediat, ajo shprehu emocionet e saj pas përfundimit të garës, duke theksuar se ishte një sfidë e dyfishtë për të, pasi gjatë dy ditëve të fundit kishte kaluar një grip të fortë.
Advertisements
“Kam nisur me frikë, sepse nuk e dija se sa do të arrija të mbaja,” tha Gega. “Kur vijnë kilometrat e fundit, trupi pëson një shok. Të vraposh në Tiranë është një kënaqësi më vete. Njerëzit që të urojnë rrugës dhe bëjnë tifo për ty, të japin një forcë që ti nuk mendon se e ke.”
Advertisements
Gega, e cila ka marrë pjesë në këtë maratonë për të tetin vit, theksoi rëndësinë e komunitetit që e mbështet atë në aventurat e saj sportive.
“Kam njerëz që më mbështesin në atë që bëj. Kjo maratonë është ndryshe nga çdo garë që bëj,” tha ajo.
