Digjen gjatë natës dy automjete në pronësi të një shtetasi në Shkodër

Dy automjete në pronësi të shtetasit Sabaudin Hoxha janë përfshirë nga flakët në Shkodër.

Raportohet ngjarja ka ndodhur rreth orës 03:25 në lagjen “Kongresi i Përmetit” dhe mjetet e djegura janë tip “Benz ML” dhe “Kiron Ssanyong”.

Nga flakët janë shkaktuar vetëm dëme materiale dhe po punohet për të sqaruar rrethanat e ngjarjes.

“Rreth orës 03:25, në lagjen “Kongresi i Përmetit”, ka rënë zjarr në 2 automjete, tip “Benz ML” dhe “Kiron Ssanyong”, në pronësi të shtetasit S. H.

Si pasojë janë shkaktuar vetëm dëme materiale. Grupi hetimor vijon punën për sqarimin e rrethanave të rastit dhe përcaktimin e shkakut të rënies së zjarrit”, njofton policia.