Jake Paul ka mundur legjendën Mike Tyson me vendim unanim, pas një sfide spektakolare me 8 raunde në “AT&T Stadium” të Teksasit.
Advertisements
Të tre pjesëtarët e jurisë i dhanë fitoren ish-yllit të YouTube, duke i vlerësuar pikët kështu: 80-72, 79-73 dhe 79-73.
Tyson (58 vjeç) dhe Paul (27 vjeç) do të takoheshin më 20 korrik të këtij viti, por dueli u shty për shkak të një problemi shëndetësor që “Iron” Mike pësoi gjatë një fluturimi nga Majemi për në Los Anxhelosë në maj.
Advertisements
Tyson (50 fitore-7 humbje, 44 me KO) shkroi historinë duke u bërë kampioni më i ri i boksit në peshat e rënda, vetëm 20 vjeç në vitin 1986 dhe tre vite më vonë, ai fitoi dhe tre titujt e tjerë për t’u bërë “Undisputed Champion”. Ai arriti t’i mbronte ato tituj 6 herë, deri sa mori një humbje shokuese në vitin 1990 nga James “Buster” Douglas.
Nga ana tjetër, Paul (11 fitore-1 humbje, 7 me KO) e nisi karrierën e tij të boksit në vitin 2020, ku mori 6 fitore radhazi. Disfata e tij e vetme erdhi kundër Tommy Fury në shkurt të 2023, por pas saj arriti te fitonte 5 duele të tjera radhazi, përfshirë këtë me Tyson.
“Iron” Mike u rikthye kështu në ring pas plot 19 vitesh, e cila nuk shkoi ashtu siç pritej për të dhe për shumë fansa të tij.
