Aksident i rëndë/ Del nga rruga dhe përmbyset autobusi plot me pasagjerë, raportohet për 15 të plagosur

15 persona kanë mbetur të plagosur pas përmbysjes së një autobusi në Turqi, mes tyre 11 turistë britanikë.

Sipas informacioneve, një turist 53-vjeçar ndodhet në gjendje të rëndë.

Autobusi është përplasur fillimisht me një tjetër automjet dhe më pas është përmbysur.

Sipas mediave turke, të dyja automjetet po udhëtonin me shpejtësi të lartë.

Ndërkohë, policia turke ka nisur hetimet.