Author: editor

Një turiste nga Anglia përjetoi një moment të paharrueshëm teksa fluturonte mbi Islandë dhe pa shpërthimin e fundit vullkanik nga një lartësi e madhe.

Fluturimi i saj me avionin e kompanisë easyJet ofroi një pamje të jashtëzakonshme të kraterit Sundhnúks në gadishullin Reykjanes, ku lava e zjarrtë derdhej lumë.

Shpërthimi filloi në orën 23:14 të mbrëmjes së mërkurës pas një tërmeti të vogël, sipas Zyrës Meteorologjike Islandeze (IMO). Ky është shpërthimi i dhjetë në tre vite, duke shënuar një epokë të re të aktivitetit vullkanik në rajon.

Pavarësisht spektaklit mahnitës të parë nga avioni, shpërthimi është më i vogël krahasuar me atë të gushtit. Lava po lëviz me ngadalë dhe nuk paraqet rrezik për infrastrukturën.

Megjithatë, autoritetet kanë evakuuar zonat përreth, përfshirë qytetin e Grindavikut dhe atraksionin turistik Blue Lagoon, që do të qëndrojë i mbyllur të paktën deri të dielën.

Meteorologia Lajda Porja parashikon mot të ftohtë në vend, gjatë fundjavës.

Në një intervistë për Euronews Albania me Mirela Milorin, ajo tha se reshjet e shiut do të dobësohen dhe gjatë natës do të konvertohen në reshje dëbore në zonat juglindore.

Një masë ajrore e ftohtë që vjen nga verilindja e Evropës, do të sjellë rënie të madhe temperaturash.

“Pas mesanatës do të kemi ndërprerjen e shirave dhe depërtimin e një tjetër mase të ftohtë e cila do të kthehet në një stuhi ere gjatë orëve të para të mëngjesit të së shtunës. Kjo masë e ftoht polare do të bëj që nesër temperaturat mund të arrijnë nga -3 gradë Celsius deri në -5 gradë Celsius por që gradualisht do përmisohen në javën e ardhshme. Gjatë të shtunës do të jetë problematike era shumë e fortë e cila mund të arrijë deri në 100 km në orë në zonat bregdetare”, tha meteorologia Lajda Porja.

Një i moshuar është gjetur pa shenja jete në banesën e tij në Fier.

Kanë qenë banorët e zonës, të cilët kanë alarmuar policinë.

Më pas kanë ndërhyrë forcat zjarrfikëse, duke hyrë brenda në shtëpi nga dritaret në katin e 8-të të pallatit ku jetonte i ndjeri.

Ngjarja e rëndë është shënuar në lagjen 8 Shkurti.

I moshuari u gjet pa shenja jete dhe ka dyshime se humbja e jetës erdhi si pasojë e shkaqeve natyrale.

Një tërmet me mganitudë 3.6 i shkallës Rihter është shënuar pak minuta më parë në Gjirokastër.

Më herët u regjistruan lëkundje sizmike me magnitudë 3.2 i shkallës Rihter, me epiqendër në Detin Adriatik.

Thellësia e tij ishte rreth 15 kilometër.

Reshjet e vazhdueshme të shiut kanë krijuar probleme edhe në qarkullimin e automjeteve nga Tirana në drejtim të Qarkut Dibër e anasjelltas nëpërmjet rrugës së Arbrit.

Si pasojë e vërshimit të ujërave ka patur rënie gurësh e zhavorri në rrugë. Ndërkohë, në afërsi të tunelit të Murrizit në anën e Xibrit ka patur shembje dherash të shumta duke bllokuar qarkullimin total të automjeteve.

Dhjetra automjete kanë mbetur bllokuar në të dyja anët për shkak të masivit të madh të dheut të rënë në rrugë.

Ndërkohë, kalimi në këtë aks rrugor, kryesisht në bypassin e Murrizit paraqet rrezik dhe këshillohet të qarkullohet me shumë kujdes deri në pastrimin e plotë të rrugës nga autoritetet.

Gjykata e Tiranës i ka dhënë të drejtë Jonida Maliqit, e cila çoi në gjyq ish bashkëshortin e saj, Gent Prizreni, për të cilin tregoi se nuk ka përmbushur detyrimet për të birin e vet, sipas marrëveshjes së lidhur pas divorcit. Gjithashtu gjykata kanë vendosur që e drejta të peshojë në anën e këngëtares.

Po ashtu Gjykata e Tiranës ka urdhëruar Zyrën e Përmbarimit në kryeqytet, që brenda pesë ditëve nga marrja e vendimit të gjyqtarëve, të bëhet ekzekutimi i detyrueshëm i vendimit për pensionin ushqimor. Ish-bashkëshorti i këngëtares Gent Prizreni do të duhet të zbatojë vendimin e gjykatës, në të kundërt, brenda periudhës së sipërpërmendur do të ndërhyjë zyra e përmbarimit.

Gjithashtu Jonida Maliqi ka rrëfyer se ish-bashkëshorti nuk i ishte përmbajtur marrëveshjes së lidhur pas ndarjes, ku detyrohej të paguante 2 mijë euro në muaj dhe shpenzimet për ta arsimuar, si dhe terapitë e nevojshme shëndetësore. E pikërisht pas kërkesës së saj, Gjykata e Tiranës ka legjitimuar si të drejtë që babai i djalit duhet të shlyejë detyrimet sipas marrëveshjes.

Kreu i PD-së, Sali Berisha ka publikuar një audio-regjistrim në profilin e tij në rrjetin social të dërgur nga qytetari dixhital, ku pretendohet se është regjistruar gjatë mbledhjes së prindërve me mësuesit në shkollën “Fan Noli” pas vrasjes së 14-vjeçarit Martin Cani nga bashkëmoshatari i tij Mario Përlleshaj.

Nga biseda e prindërve mes mësuesit kuptohet se klasa ka qenë në dijeni të thikës që posedonte autori Mario Përlleshaj, pasi një prej prindërve pretendon se ai ia u ka treguar në klasë dhe ka thënë se “Prisni se ç’do ndodhë sot”.

Sipas qytetarit dixhital, mësuesja edhe pse ishte në dijeni të konfliktit, i ka dhënë leje Mario Përleshajt për të ikur nga mësimi me 5 orë, “që të dilte pa bërë orën e 6-të dhe të lante hesapet me Martinin”.

Postimi i plotë:

Ndiqeni sipas interesit këtë bisedë prindër-mësuesë në shkollën “Fan Noli”.

Kjo audo e regjistruar nga nje prind e pastaj ma dergoj mua,gjate mbledhjes se sotshme te prinderve me mesuesit e shkolles “Fan Noli”,ne audio eshte nje zoteri prind teper i tronditur,i cili u kerkon dhogari mesuesve dhe drejtorve rreth ngjarjes tragjike.

Ne kte ballafaqim prinder-mesues u thane te gjitha prapaskenat e se vertetes,te cilat nuk do thuhen kurre publikisht.

Pasi mesues dhe drejtore te shkolles “Fan Noli” i kane pyet femijet gjate gjith dites sot dhe dhe ” A ju ka marr kush ne pyetje kto dite’ dhe i porosisin vazhdimisht femijet 6-7-9-13 vjeç qe “Mos jepni intervista mos flisni nese ju afrohen gazetaret”

Konfliktin mes dy adoleshenteve: E dinte ofecieri i sigurise,e dinte psikologu,e dinte drejtoresha,e dinte zysha,e dinin nxenesit. Sepse i riu qe vrau Martinin u kishte treguar thiken klases dhe u kishte thene se per ke e kishte marre thiken me vete.

Plus zysha duke qene ne dijeni per konfliktin i ka dhane leje ne perfundimin e ores se 5-te adoleshentit vrases te Martinit qe te dilte pa bere oren e 6-te dhe lante hesapet me Martinin,pasi Martini ne perfundimin e ores se 5-te do ikte per ne shpi.

Pak minuta më parë, një tërmet është regjistruar në Shqipëri.

Sipas Qendrës Sizmologjike Europiane e Mesdheut (EMSC), tërmeti është regjistruar me magnitudë 3.2 i shkallës Rihter, me epiqendër në Detin Adriatik.

Thellësia e tij ishte rreth 15 kilometër.

Ministria e Mbrojtjes ka lajmëruar të gjithë qytetarët që të kenë kujdes në rrugë kur ecin me makinë, për shkak të motit të keq. Ministria thotë se janë bllokuar në qarkun Shkodër dy akse rrugore dhe ata janë aksi Prekal-Kir dhe ai Mes-Dukagjin. Po punohet për hapjen e rrugës.

NJOFTIMI I PLOTË:

Reshjet e shiut, që në disa zona të vendit kanë qenë me intensitet të lartë kanë shkaktuar bllokim të disa akseve rrugore, veçanërisht në qarkun e Shkodrës. Por, përgjithësisht, situata është pa problematika serioze sa i përket infrastrukturës kombëtare.

– Në aksin Prekal – Kir, strukturat po punojnë për hapjen e rrugës.

– Rruga Mes-Dukagjin është bllokuar për shkak të rrëshqitjes së gurëve. Edhe këtu po punohet për pastrimin e saj.

Si pasojë e motit të keq, disa zona janë pa energji për shkak të defekteve në rrjet. Rajone të ndryshme, përfshirë Tiranën, Durrësin, Elbasanin, Berat, Vlorën, Korçën, Gjirokastrën, Kukësin, Shkodrën dhe Burrelin, po përballen me ndërprerje të energjisë elektrike në zona të caktuara. Punonjësit e OSSH janë në terren dhe po punojnë për riparimin e defekteve dhe rikthimin e furnizimit me energji në këto zona. Situata po ndiqet me vëmendje nga strukturat e Mbrojtjes Civile në nivel vendor dhe qendror. #AKMC është në kontakt me të gjitha prefekturat dhe bashkitë, për të koordinuar punën në çdo rast nevoje.