Aktori amerikan, Danny Masterson u dënua këtë të enjte me 30 vjet burg për përdhunimin e dy grave.
Advertisements
47-vjeçari luajti në “That ’70s Show”, një serial komedi televiziv ku merrnin pjesë dhe Ashton Kutcher me Mila Kunis, film i cili ishte në transmetim në kohën kur ai kreu krimet e tij.
Advertisements
Masterson u shpall fajtor në maj në një rigjykim pasi juria e parë nuk ishte në gjendje të merrte një vendim në vitin 2022. Aktori u dënua pasi tre gra dëshmuan se ai i kishte sulmuar seksualisht në shtëpinë e tij në Hollywood gjatë viteve 2001-2003, gjatë kulmit të famës së tij televizive.
Advertisements
Akuzat erdhën pas një hetimi tre-vjeçar nga Departamenti i Policisë së Los Anxhelosit. Prokurorët nuk ngritën akuza në dy raste të tjera për shkak të provave të pamjaftueshme.
Gjatë gjithë gjyqit, prokurorët argumentuan se Kisha e “Scientology” kishte ndihmuar në fshehjen e tyre, një pretendim që organizata e ka mohuar kategorikisht.
Disa nga gratë thanë se iu deshën vite për t’u paraqitur, sepse zyrtarët e kësaj kishe, i dekurajuan ato të raportonin përdhunimin në polici.
