Tiranë/ U përplas nga makina, ndërron jetë në spital 65-vjeçari

Një aksident ka ndodhur mbrëmjen e djeshme në “Rrugën e Kavajës”, në Tiranë.

Një automjet ka përplasur këmbësorin 65-vjeçar, i cili u transportua me autoambulancë në spitalin e Traumës në gjendje të rëndë shëndetësore.

Sipas burimeve nga Trauma, i plagosuri Afmet Kërçiku nga Klosi, ka ndërruar jetë në orët e para të mëngjesit kësaj të shtune, si pasojë e plagëve të marra.