Gjykata e Apelit Tiranë ka caktuar masën e sigurisë “Arrest me burg” për Arjon dhe Klisman Hasaj, dy autorët e vrasjes së 33-vjeçarit Ramazan Mataj i cili u ekzekutua në fshatin Dragoç të Shkodrës.
Advertisements
Sipas njoftimit nga Gjykata e Apelit, Arjon Hasaj është arrestuar nën akuzën e veprës penale “Vrasje me paramendim” dhe “Mbajtja pa leje dhe prodhimi i armëve, armëve shpërthyese dhe i municionit”.
Advertisements
Klisman Hasaj është arrestuar nën akuzën e veprës penale “Sigurimi i kushteve dhe i mjeteve materiale për të kryer vrasje”, “Mbajtja pa leje dhe prodhimi i armëve, armëve shpërthyese dhe i municionit”.
Nga ana tjetër, Klisman Hasaj apeloi vendimin e Gjykatës së Shkallës së Parë Shkodër, duke kërkuar një masë sigurie më të lehtë, por Apeli rrëzoi kërkesën dhe la në fuqi vendimin për arrest në burg.
33-vjeçari i cili mbeti i vrarë në fshatin Dragoç në Shkodër, Ramazan Mataj, u qëllua me breshëri automatiku në orët e mbrëmjes së 4 janarit teksa ndodhej i vetëm në automjetin e tij tip benz.
Viktima po kthehej në shtëpi teksa dy autorët Arjon dhe Klisman Hasaj, vëllezër me njëri-tjetrin, i kanë dalë në pritë duke ekzekutuar 33-vjeçarin.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.