Cristiano Ronaldo pati shansin për ta zgjidhur ngërçin e kualifikimit në çerekfinale të “Euro 2024” në minutën e fundit të pjesës së parë shtesë kundër Sllovenisë.
Advertisements
Penalltia e tij, megjithatë, u prit nga Jan Oblak dhe kampioni portugez shpërtheu në lot.
Advertisements
Ai u shpagua pak më pas me konvertimin e penalltisë së parë të serisë që e çoi skuadrën e Martinez në çerekfinale. Ashtu si Lionel Messi, CR7 është gjithmonë në qendër të vëmendjes, pavarësisht viteve që kalojnë. Dhe askush nuk ia fal as gabimin më të vogël.
“BBC”, rrjeti i njohur mediatik britanik, ndezi një polemikë të vërtetë në fund të ndeshjes, kur e quajti “Misstiano Penaldo”, një lojë fjalësh mes emrit të lojtarit, foljes “humb” dhe penalltisë. Grafika nuk iu pëlqeu shumë ish-kolegëve të futbollistit të Al Nassr, mbi të gjitha John Terry, i cili e cilësoi miksimin e fjalëve nga transmetuesi britanik si “një turp të vërtetë”.
