Një ngjarje e rëndë ka ndodhur ditën e sotme në vendin tonë, ku ka mbetur e vdekur një vajzë e moshës 8-vjeçare nga Sllovakia.
Pushimet e familjes sllovene në vendin tonë, janë kthyer në tragjedi, kur një makinë ka përplasur vajzën e tyre 8-vjeçe, në afërsi të Gjirit të Lalzit.
Advertisements
Shkaktar i aksidentit dyshohet të jetë një 18-vjeçar që drejtonte një “Audi” dhe kishte pak ditë që kishte marrë patentën.
Pamjet e shpërndara në mediat sociale tregojnë momentin e rëndë kur nëna sheh fëmijën e saj të shtrirë në rrugë, teksa vë duart në kokë dhe ulëret.
Advertisements
Policia ka konfirmuar vdekjen e 8-vjeçares në spital:
Rreth orës 20:00, në segmentin rrugor Maminas-Gjiri i Lalësit, një automjet me drejtues shtetasin G. Gj., 18 vjeç, ka përplasur një shtetase minorene S. S., 8 vjeçe, nga Sllovakia. Si pasojë e përplasjes 8 vjeçarja ka humbur jëtën në spital.
Advertisements
Drejtuesi i automjetit është shoqëruar në Komisariat për veprime të mëtejshme procedurale.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave dhe shkakut të aksidentit.
