Shpërthimi me tritol që ka ndodhur pranë hotelit ‘Victoria’ në pronësi të Ervin Matës në vitin 2020, dyshohet se është bërë për shkak të një gjobe financiare prej 1.5 mln euro.
Hoteli që ndodhet pranë rrugës së Dibrës në Tiranë, u sulmua me tritol në 30 Maj 2020, ku si pasojë e shpërthimit ka pasur vetëm dëme materiale. Nga bisedat që janë zbuluar në aplikacionin SKY, mes anëtarëve të grupit kriminal që kanë vepruar nën komandën e Plaurent Dervishaj, që shkurt thirret me nofkën “Plaku”, ka dalë në skenë dhe arsyeja e shpërthimit me tritol.
Advertisements
Sipas gazetarit Elton Qyno, gjoba financiare i është vendosur një mikut të ngushtë të Ervis Matës, të cilët grupi i Devishaj dhe Ramazan Rajës i kishte konkurrent në linjat e tregtisë dhe trafikimit të drogës. Ky person ende nuk është zbuluar nga prokurorët e posaçëm SPAK, por grupi i hetimit ka krijuar dyshimin e fortë se tritoli tek hoteli i Ervin Matës është vendosur pikërisht për këtë shkak.
Gjoba financiare nuk është pranuar të paguhet e për pasojë grupi ka marrë masa për vendosjen e lëndës shpërthyese tek muri rrethues i hotel “Victoria”, pronë e Ervin Matës dhe babait të tij, Luan Mata.
Advertisements
Për këtë ngjarje të ndodhur në Tiranë, prokuroria e Posaçme ka identifikuar si autorë Plaurent Dervishaj i thirrur “Plaku”, Ramazan Rrajën nipin e ish-deputetit të PS, Rahman Rraja i thirrur shkurtimit me nofkën “Xani” dhe Julian Meçen e thirrur ndryshe me nofkën “Sakati”, të cilët aktualisht janë në proces gjyqësor, jo vetëm për këtë episode kriminal por edhe për episode të tjera.
Ndërkohë anëtarët e tjerë të grupit të identifikuar në aplikacioknin “Sky” ishin Bledar Polovina me nofkën “Fshatari”, Amar Shkëmbi me nofkën “Bad”, Bashkim Haxhia me nofkën “Baçi”, Gentjan Ndërjaku me nofkën “Kili” dhe Marsel Deçka me nofkën “Kështjella”.
Advertisements
Ndërkohë një ditë më parë prokuroria e posaçme SPAK, lexoi pretencën për anëtarët e këtij grupi që dyshohet se kishin marrë pjesë në vrasjen e Andi Malokut,plagosjen e Arjan Ndojës dhe Aleksandër Lahos alias “Rrumit”.
Në total u kërkua rreth 43 vite burg për të gjithë grupin. Në pretencë u kërkua 11 vite burg për Ramazan Rrajën, por për shkak për gjykimit te shkurtuar dënimi ulet në 7 vite e 4 muaj burg, për Genti Ndërjakun u kërkua dënimi me 9 vite burg, i cili ulet në 6 vite.
Për Bashkim Haxhinë u kërkua dënimi me 8 vite burg i cili ulet 5 vite e 4 muaj burg.
Për Julian Pjetri u kërkua dënimi me 7 vite e 6 muaj burg i cili ulet 5 vite burg. Ndërsa për Endrit Sinanin,u kërkua dënimi me 7 vite e 6 muaj burg i cili ulet në 5 vite burg.
