Sekretari i Përgjithshëm i PS-së, Blendi Klosi thotë se partia nuk po mundohet të mbrojë mandatin e Olta Xhaçkës. I ftuar në një program televiziv, ku po diskutohet për dërgimin e kësaj çështjeje në Komisionin e Venecias, Klosi tha se kërkojnë një qëndrim për mënyrën se si votojnë deputetët.
Advertisements
“Fakt është që ne nuk kemi thënë se jemi pro apo kundër dërgimit të mandatit të Xhaçkës në GJK por krejt tjetër. Ne kemi kërkuar Komisionit të Venecias një qëndrim për këtë situatë, a duhet të jetë deputeti fare i pa pasur një mënyrë se si të gjykojnë deputetët apo duhet të jetë meqenëse gjykata thotë se votoni kështu dhe deputetët duhet të votojnë.
Advertisements
Vota e deputetëve ka vlerë apo është thjesht një certifikim i asaj që kërkon? Ne kërkojmë që Venecia të japë një interpretim se ku është fuqia e votës së deputetit. GJK e ka hetuar çështjen e Xhaçkës, vetë Xhaçka ka dhënë shpjegim për mandatin e saj.
Prandaj nuk ka një mbrojtje të mandatit të Xhaçkës por një kërkesë nga grupi parlamentar i PS të firmosur dhe nga kryetarja e kuvendit, drejtuar komisionit të Venecias për një shpjegim dhe është e shpjeguar, deputeti është i detyruar të votojë sipas vullnetit të tij apo një kërkese nga një institucion tjetër.
Advertisements
Le të kemi një interpretim dhe do të kemi edhe një gjykim.“, tha ai.
I pyetur nga gazetari Balla për dorëheqjen e gjyqtares së Gjykatës Kushtetuese, Elsa Toska, ai shtoi:
“Unë e mora vesh dorëheqjen nga kronika juaj. Nuk jam shumë I lidhur me problemet e gjyqësorit. Çfarë lidhje mund të ketë? Nuk e njoh zonjën, mund ta kem votuar se ka qenë votim I vendosur nga grupi parlamentar I PS. Derisa ka thënë për arsye personale cfarë ndikimi ka nga politika ky vendimi I dorëheqjes. Rastisi që të jetë. Unë nuk kam informacion. Kam zero informacion. Derisa të vijë interpretimi i komisionit të Venecias, mbase kemi edhe një anëtar të ri të kushtetueses. Nuk besoj se mendoni se ne kemi interes të mbajnë të bllokuar Gjykatën Kushtetuese.”, u shpreh Klosi.
