Të shtëna me armë zjarri janë raportuar në Mitrovicë, në veri të Kosovës. Mediat raportojnë se një person ka mbetur i plagosur, ndërsa nuk ka të dhëna si ka ndodhur ngjarja.
I plagosuri është transportuar në spital, ndërsa autoritetet kanë nisur hetimet.
Advertisements
“Sot në orën 9:42 në Mitrovicë është raportuar për një person të lënduar nga arma e zjarrit. Rasti ka ndodhur në rrugën ‘Fatime Hetemi’ në Mitrovicë. I plagosuri është i moshës madhore dhe është dërguar për trajtim mjekësor. Njësitet relevante janë duke vazhduar hetimet”, tha policia.
