Ditën e sotme në orën 11:00, do të mbahet protesta e 27-të kundër aferës së madhe të korrupsionint, vjedhjes dhe abuzimit me taksat e qytetarëve nga drejtorët e Bashkisë së Tiranës, një pjesë e të cilëve tashmë është në burg, dhe për këtë arsye do të kërkohet këtë të mërkurë edhe dorëheqja e kryebashkiakut të Tiranës, Erion Veliaj, i akuzuar nga protestuesit si arkitekt i vjedhjeve përmes kompanisë famëkeqe “5D Konstruksion”.
Advertisements
Shoqëria civile dhe Partia Demokratike, thonë se nuk do të ndalen pa nxjerrë nga zyrat e Bashkisë Tiranë, kryehajdutin e kryeqytetit Erion Veliaj, pas skandaleve me dosjen “5D” ku tenderat vidheshin 100% nga drejtorët e bashkisë, apo për zhdukjen e mbi 130 milionë euro me inceneratorin fantazëm i cili nuk ekziston.
Advertisements
“Nesër të gjithë në protestë, kundër kryehajdutit të Tiranës Erion Veliaj”, thuhet në njoftimet e Shefit të Organizimit në PD, Klevis Balliu.
Gjithashtu, edhe Drejtuesi Politik i Qarkut Tiranë, Belind Këlliçi, ka njoftuar zhvillimin e protestës së radhës para selisë së “5D”-së dhe Inceneratorit Tiranë, duke i bërë thirrje SPAK-ut që të zbatojnë ligjin ose të bëhen pjesë edhe ata të grupit të strukturuar kriminal.
Advertisements
Mesazhi i Këlliçit:
Nesër, e mërkurë, datë 25 Shtator, ora 11:00, mbahet protesta e 27 para selisë së 5D dhe Inceneratorit Tiranë.
Kreu i Grupit të Strukturuar Kriminal në Bashkinë Tiranë, duhet dorëzuar një orë e më parë para drejtësisë. Hajduti e ka vendin në qeli, e jo në zyrat e shtetit. Makutëria që ka marrë peng qytetin tonë, duhet ndalur me çdo kusht!
Kolegët e Erionit në SPAK, ta ndajnë mendjen njëherë e mirë.
Ose të zbatojnë ligjin, ose të bëhen pjesë edhe ata publikisht të Grupit të Strukturuar Kriminal 5D!
Rrugë tjetër NUK mund të ketë!
