Dënimet e Erik dhe Lyle Menendez, të cilët u burgosën më shumë se tre dekada më parë për vrasjen e prindërve të tyre në SHBA, do të rishikohen.Vëllezërit qëlluan Jose dhe Kitty Menendez në rezidencën e tyre në Beverly Hills në vitin 1989, vrasje që prokurorët thanë se ishte një komplot për të trashëguar pasurinë e babait të tyre.
Të enjten, avokati i qarkut LA, George Gascon tha se kishte “një detyrim moral dhe etik” për të shqyrtuar provat e paraqitura nga vëllezërit vitin e kaluar, të cilat pretendonin se ata ishin abuzuar seksualisht nga babai i tyre dhe vepruan në vetëmbrojtje.Ka pasur një interes të madh publik për vrasjet që kur një serial i Netflix që përshkruan ngjarjet u publikua në shtator.Gjatë gjyqit fillestar, prokurorët thanë se vrasjet ishin të motivuara nga lakmia. Ata thanë se vëllezërit shpenzuan pjesën më të madhe të trashëgimisë së tyre në ora Rolex, makina dhe prona luksoze përpara se të bëheshin të dyshuar. Këto akuza për shpenzime të mëdha, të transmetuara në një gjyq të ndjekur gjerësisht në televizion, e bënë çështjen famëkeqe në SHBA.Në një gjyq të dytë, pretendimet e abuzimit u mbajtën dhe vëllezërit u shpallën fajtorë dhe u dënuan me burgim të përjetshëm pa lirim me kusht në vitin 1996.Lyle Menendez ishte 21 vjeç dhe Erik Menendez ishte 18 vjeç në kohën e vrasjeve.Provat e reja që po shqyrtohen tani përfshijnë një letër të vitit 1988 nga Erik Menendez drejtuar kushëririt të tij, e cila thuhet se i referohet abuzimit të babait të tij.“Asnjë nga këto informacione nuk është konfirmuar,” tha Gascon – prokurori më i lartë në LA Country – në një konferencë shtypi. “Ne nuk jemi, në këtë pikë, të gatshëm të themi se ne ose e besojmë ose nuk e besojmë atë informacion. Por ne jemi këtu për t’ju thënë se ne kemi një detyrim moral dhe etik për të rishikuar atë që na paraqitet.”
Ai shtoi se ekipi i tij nuk po thoshte se kishte ndonjë gjë të gabuar me gjykimin origjinal. Gascon tha se një rishikim mund të çojë në rigjykim ose një gjykim të ri. Një seancë dëgjimore është caktuar për më 26 nëntor, raporton CBS News.Drama kontroverse e Netflix, “Monsters”, e bazuar në krimet vjen me yjet kryesorë Nicholas Chavez si Lyle Menendez, Cooper Koch si Erik Menendez dhe Javier Bardem si babai i tyre Jose Menendez. Drama ka shkaktuar polemika, me të afërmit që thonë se vëllezërit ishin “viktimizuar nga kjo dramë groteske shokuese”.Krijuesi i serialit Ryan Murphy e ka mbrojtur serialin dhe e ka përshkruar reagimin negativ të familjes si “të parashikueshëm në rastin më të mirë”.Të enjten, ylli i realitetit televiziv, Kim Kardashian, shprehu mbështetjen e saj për vëllezërit, duke nxitur më tej interesin e ripërtërirë popullor për këtë rast.
“Ata nuk janë monstra. Ata janë njerëz të sjellshëm, inteligjentë dhe të ndershëm”, tha ajo në një artikull për NBC News.
Advertisements
