Këngëtari Bardhi Idrizi, ka shokuar me këngën që ka publikuar së fundmi dedikuar së bijës, pasi ka tërhequr vëmendjen përmes tekstit dhe mesazhit të thellë.
Advertisements
Kjo këngë duket se pasqyron lidhjen e tij me partneren e tij Sara Gjordeni dhe shtatzëninë e saj, duke treguar sakrificat e shumta dhe periudhën e vështirë që po kalojnë së bashku.
Advertisements
“Po mamit ton me kto probleme t’mia, besom ja kam nxi shtatzanin”, thuhet në një varg të këngës.
Advertisements
Në këtë këngë, ai ka shpalosur dhe detaje nga karriera profesionale, duke mos harruar edhe ‘kunjat’ për të tjerët.
Siç është interpretuar edhe nga fansat e këngëtarit, në një varg të tij, këngëtari duket se thumbon ish-menaxherin e tij, Jetmir Agaj, me të cilin ka bashkëpunuar për më shumë se katër vjet.
Ai hodhi akuza duke thënë se tani po ia anulojnë edhe koncertet dhe se kalon një periudhë të keqe financiare.
“E di që ti po kan sa herë mami kan, se ajo po mërzitet që babin ton pe shajn. Ju thash vllazni, e bash qata m’vranë, e kohëve të fundit kam marrë borxhe me pagu qiranë, se me njerëzit që ndava bukën e i ndava dertet, sot po mi anulojnë koncertet, tmerr, m’than që kan mem kthy kamarier”, u shpreh ai në këngën “Qikes tem”.
Kujtojmë që pas daljes nga Big Brother VIP Albania 3, Bardhi po shijon një romancë me modelen Sara Gjordeni, me të cilën po bashkëjeton në Tiranë dhe janë në pritje të një vajze.
Që prej përfundimit të garës në BBV, Bardhi pati përplasje të shumta me menaxherin e tij, për të cilin thuhet se u bë shkak Sara Gjordeni. Artisti dhe Jetmir Agaj përfunduan bashkëpunimin mes tyre pak kohë më parë, por mesa duhet ndarja mes tyre nuk ka qenë aspak miqësore.
