Tërmet i fuqishëm 6.2 ballë në këtë shtet

Një tërmet i fuqishëm 6.2 i shkallës Rihter është regjistruar mbrëmjen e sotme në brigjet e Kosta Rikës.

Sipas të dhënave paraprake, tërmeti ka rënë rreth 21 minuta më parë në një thellësi prej 19 kilometrash dhe me epiqendër në det.

Paraprakisht nuk ka të dhëna për dëme apo alarm për cunami.

Kosta Rika ndodhet në një zonë me aktivitet të lartë sizmik, ku përplasen pllakat tektonike të Karaibeve, me atë të Amerikës së Jugut, pllaka Cocos dhe ajo Nazca.