Është ndarë nga jeta Parashqevi Sahatçi, historiane, etnografe dhe koleksioniste e njohur
Advertisements
Lajmin e ka bërë të ditur Kryetari i bashkisë, Ervin Demo përmes një postimi në rrjetet sociale.
Advertisements
“Berati humbi sot një figurë të shquar, “Zonjën e Fotografisë”, koleksionisten dhe historianen Parashqevi Sahatçi ( Salepi).
Dashuria për qytetin e saj, Beratin, i ngjizi edhe pasionin për fotografinë, duke përjetësuar me shkrepjet e aparatit dhe koleksionin e saj të fotove, ngjarje të jetës shoqërore, politike dhe kulturore të Beratit.
Advertisements
Falë koleksionit të pasur të Mjeshtres së Madhe Parashqevi Sahatçi dhe publikimeve, kemi sot një album të pasur të memories historike të qytetit.
Ngushëllime familjes për humbjen e njeriut të dashur dhe nderim për veprën e saj të përjetshme”, shkruan Ervin Demo në Facebook.
Në qytetin e Beratit ajo njihej si një mësuese mjaft e dashur për brezat me radhë që ka edukuar në qytetin e “një mbi një dritareve”, ndaj edhe ndryshe njihet si Parashqevia e Beratit.
Në vitin 1979 është vlerësuar me titullin: “Naim Frashëri” historiane dhe etnografe dhe në vitin 1990 është vlerësuar me “Medalje per shërbime shtetërore dhe shoqërore”.
Ndërsa në 2017 mori titullin më të lartë të nderit “Mjeshtër i Madh” nga Presidenti i Shqipërisë, Bujar Nishani.
